ناسف للسادة الزوار سيتم اغلاق الموقع قريبا لفقدان بينات تسجيل الموقع

ماهو الروت ؟وكيفية عمل روت لمعظم الاجهزه بجميع المعالجات

ماهو الروت ؟

بأبسط مفهوم كلمة “Root” تدل على اعلى ملفات في نظام تشغيل الجهاز ولو انت مستخدم ويندوز الروت شبيه ببارتشن ال C اللي بتنزل عليه الويندوز

ولكن على عكس الويندوز الاندرويد عنده حاجز ذكي مش بيخليك تقدر توصل لملفات النظام واعلى حاجه فيها وده معمول عشان المستخدم ميقدرش انه يمسح ملفات مهمه للجهاز او ملفات خاصه بالنظام عشان يفضل الجهاز مستقر.

ودي صوره بتوضح الملفات اللي محتاجه روت عشان توصلها

بس لو انت كنت حابب تعمل تعديلات على السوفت وير في  الجهاز هتحتاج انك تعدل تعدل في ملفات النظام في ملفات الروت المفصوله عن النظام بحاجز وعشان تقدر توصل للملفات دي انت محتاج “Root Access” 

وموجود عدة طرق انك تقوم بعمل روت لجهازك منها الطرق السهله زي برنامج Kingroot وبرامج OneClick وفي اجهزه معقده زي الاجهزه الامريكي من سامسنج و ZTE واللي بتحتاج عمليات كتير واوامر اكتر ومع تطور الحمايات الموضوع بيكون اصعب واصعب

تقدر تعمل ايه بالروت ؟

بعد ماتعمل روت للجهاز في بتكون قادر توصل لملفات نظام الجهاز ومنها تقدر تمسح Bloatware (البرامج اللي متثبته مع السوفت وير) تقدر تعدل في واجهة النظام تقدر تدخل على ملفات مشفره زي EFS وتقدر تستخدمه في فك الشفرات وتخطي اقفال وحمايات

حذف ملفات من نظام التشغيل
تعديل واجهة الجهاز

كمان تقدر من خلال الروت انك تنزل تثبت ريكفري معدل او تمنع الاعلانات عن الجهاز او توفر في البطاريه بشكل كبير عن طريق برامج

 

ماهي اضرار الروت ؟

برغم من مزايا الروت العديده الا انه هناك الكثير من العيوب اهمها عدم وصول تحديثات للجهاز وحصول جميع التطبيقات على صلاحيات الروت الا في حالة وجود مدير صلاحيات الروت زي Supersu, kingroot,Magisk

وايضا ظهور مشكلة DRK وعدم قدرة الجهاز على التبويت من غير روت لانه لا يستطيع التأكد من التبويت الامن بسبب كسر ال DRK

كما ظهرت مشاكل اخرى بسبب تطور الحمايات عدم فتح بعد التطبيقات بعد الروت مثال في اجهزة سامسونج S Health , Secure Folder وبعض التطبيقات مثل SnapChat , والعاب زي SuperMario بسبب تحقق التطبيقات من وجود الروت على الجهاز

وتطبيقات الخدمات البنكيه وخدمات الدفع مثل Samsung Pay و Gpay

كمان هتلاحظ في الاجهزه المتروته سخونه غير عاديه وتهنيج والبطاريه بتخلص بسرعه لو انت سايب الموبيل وده لان الروت بيقفل خاصية ال Deep Sleep اللي موجوده في الاجهزه وبيكسر ال SafetyNet API فيفضل بعد ماتخلص احتياجك للروت انك تفلش الجهاز ومتسلموش للعميل كده

انواع الروت

الروت نوعين روت مؤقت وده بيكون في الاجهزه اللي مقفوله بوت لودر غالبا زي N910V كده ومن خلال الروت المؤقت تقدر توصل للنوع التاني وهو الروت الدائم او الغير مقيد

الروت المؤقت بيروح لما تعمل ريستارت للجهاز

طريقة عمل الروت وتاريخ الاصدارات ؟

[restrict paid=”true”]

بعد ماشرحنا فكرة الروت والاضرار والعيوب يهمنا في جروب المطورين العرب تكون فاهم قبل ماتنفذ وعشان كده القسم ده من الموضوع متاح ليك انت بس

طرق عمل الروت اختلفت من فتره لفتره

في اصدارات الاندرويد القديمه زي فرويو وجينجر بيرد اللي هيا اندويد 2و 2.3 كانت البوكسات بتعمل روت مع اي عمليه بتحتاجها

زي فك الشفرات وتصليح الايمي

تاني فتره وهيا فترة اندريود 4.x.x لحد اصدار 4.4.4 ودي كانت فتره اللي البوكسات فيها مبقتش تقدر تعمل روت لغالبية الاجهزه وبقى المفروض انك تعمل الروت مانوال ومن هنا اتجه الناس لموقع للمطور العظيم Chainfire صاحب موقع CF Auto Root

وبرامج الروت الصيني زي Kingoroot , Kingroot , root360 اللي كانت اسرع واسهل لمعظم الاجهزه

البرامج دي غير Cf root كانت بتستخدم ثغرات موجوده في نوات لينكس للاجهزه الاندرويد عموما وبما انه جميع الشركات واخده من جوجل وجوجل بانيه على لينكس كيرنل فالبرامج دي بتستخدم ثغراتها في جميع الاجهزه وبتشتغل كل ده كانت الدنيا جميله وزي الفل

لحد ماظهر اندرويد 5 وظهرت فكرة تحديثات الحماية الشهريه وعمل باتش للثغرات دي البرامج دي قلة واستخدامها مبقاش فعال

وكمان ظهور ال DRK اللي بقى يأكد من عملية بوت الجهاز وان كل حاجه في الجهاز مطابقه للشركه ومن هنا بدأ الشغل

في الاصدارات القديمه الروت كان بيتم عن طريق السيستم مش عن طريق البوت

اما من اول اصدار 5 الروت بقى يتعمل عن طريق ملف البوت مش السيستم وكمان بقى في حاجه اسمها SU Hide Binary ودي طريقه للاجهزه اللي بعد اندرويد 7 انها بتعمل روت من ملفات SBIN مش البوت عشان الجهاز ميتحققش من الروت

ده بالنسبه لتاريخ الروت

طرق عمل الروت 

في 3 طرق

الاولى : عن طريق الريكفري المعدل

تعتبر اشهر طريقه هيا طريقة الروت عن طريق الريكفري المعدل وهيا طريقه تصلح لجميع الاجهزه بكل الاصدارات

وبتعمل عن طريق تفليش ملف Supersu او ملف Magisk من خلال الريكفري المعدل وبكده انت معاك روت دائم بدون اي مشاكل

تقدر تحمل الملفات من هنا

SuperSU

http://www.supersu.com/download

Magisk

https://forum.xda-developers.com/apps/magisk/official-magisk-v7-universal-systemless-t3473445

نصيحه : مع الاجهزه الحديثه واصدرارات الاندرويد العاليه استخدم Magisk افضل

الطريقه الثانية : برامج الروت الصيني

ودي تعتبر من الطرق السهله في الروت انك تستخدم Kingroot و Root360 او Kingoroot

ودي طريقه مش فعاله حاليا ومش بتصلح لعمل روت لاجهزه كتير واصدارات قديمه كلها

الطريقه الثالثه : Patch Boot (الطريقه الاهم)

الطريقه دي حاليا اهم طريقه وافضلهم لان معظم الاجهزه مبقتش بتبوت على ريكفري معدل ودي الطريقه اللي بيشتغل عليها بوكس EFT اللي عمل كلون لطريقة Magisk وبيستخدمها في عمل روت

الطريقه دي تصلح لاي جهاز باعتبارات معينه هذكرها اخر الموضوع

فكرة الطريقه استخراج ملف البوت واضافة ملفات SU Binary للحصول على صلاحيات الروت

اول حاجه هتعملها هتنزل Magisk APk من هنا

https://forum.xda-developers.com/apps/magisk/official-magisk-v7-universal-systemless-t3473445

وتثبته على جهازك

تختار Install
هتظهرلك واجهه تانيه هتختار Patch Boot.img

هتنقل ملف البوت على الموبيل وتختاره وتستنى لحد مايعملك ملف البوت وتروح ملف Magisk Manger في الموبيل هتلاقي ملف البوت المتروت في الموبيل
(انقله لاي تاني عشان يظهر على الكومبيوتر )

كده مبروك سواء جهازك كوالكوم او MTK او سامسنج او هواوي بقا معاك ملف تقدر تفلشه وتعمل روت لجهازك بدون بوكسات

وبكده احنا خلصنا شرح طرق عمل الروت

اخر جزء واهم جزء

اخر الانواع وهو خاص بسامسونج وهو ENG Root

عباره عن ملف بوت من الشركه يستخدم لترويت الجهاز وتفعيل ADB بدون تصريح وطبعا معروف استخدامه ازالة سكرين لوك تصليح سريال اجهزه امريكي تصليح DRK , EFS الى اخره

 

اعتبارات عمل الروت ونصايح وتحذيرات !!

1 – البوت لودر لازم يكون مفتوح

2 – متعملش روت لاجهزه غريبه متعرفهاش غير لما تسأل وتدور كويس

3 – اوعى تعمل روت قبل ماتسحب فلاشة الجهاز اللي معاك او يكون متوفر معاك فلاشه لحل اي مشكله تحصل

4 – بالنسبه لاجهزة الروت المؤقت مترسترش الجهاز نهائي

5 – بالنسبه لاجهزة ال ZTE متعملهاش روت يفضل لانه مشاكله كتير

6- ملف البوت في اخر طريقه تقدر تستخدمه من الفلاش تول او من الفاست بوت او وضع EDL

بكده احنا خلصنا واتمنى تكون استفدت ودعوه حلوه للفريق وليا

Best Regards,
Omar Soliman

Dev-ArabTeam

[/restrict]

Author: Charlotte Katakuri