ناسف للسادة الزوار سيتم اغلاق الموقع قريبا لفقدان بينات تسجيل الموقع

أحتراف كامل لاجهزة HTC

السلام عليكم ياشباب

بالنسبه لموضوع اجهزة HTC هنتكلم على نقط اساسيه انك تشتغلها صح

========================================
*معرفة الموديل الخاص بالجهاز
*طريقة عمل انفو صح
*طريقة معرفة الجهاز ده عيب ذاكرة داخليه او لا
*اهم نقاط تفليش اجهزة HTC
واحد : حالة البوت لودر Locked-Relocked-Unlocked
اتنين : حالة الحمايه S-OFF – ON
ثلاثه : ال CID الخاص بالجهاز
اربعه : اصدار النطاق الاساسي Main OS
*طرق التفليش
========================================
اول حاجه هيا انك تعرف موديل الجهاز
مثلا لو دخلت الجهاز فاست بوت
هتلاقي السطر ده
كمثال جهاز M8
M8_DUGL PVT SHIP S-ON

في الحالة دي موديل الجهاز هنا

M8_DUGL
وده الاسم اللي انت هتدور بيه على الفلاشه متكتبش مثلا فلاشة m8 شريحتين في السيرش لانه لو عايز تلاقي فلاشات صح هيكون اسمها
0P6BIMG_M8_DUGL_M60_SENSE70_MR_HTC_Europe_6.16.401.101_Radio_1.24.30336021.13G
زي دي كده
========================================
*عمل انفو
طبعا عشان تعرف كل دول انت محتاج تعمل Read info مش صوره من الفاست بوت بس
الانفو بيبين موديل الجهاز ورقم ال CID ودي اهم نقطه مش بتكون موجوده في الصوره من الفاست بوت عشان كده احنا هنتكلم عن طريقة عمل لاجهزة HTC عشان نشتغل صح
========================================
اول حاجه تعريفات ال HTC في وضع الفاست بوت لازم تكون My HTC مينفعش تبقى اي درايفر تاني لانك هتواجه مشاكل في كل حاجه
تقدر تحمل HTC Sync Manger من هنا وتسطبه وبعد كده شيله عادي

Download
او الدريفرات اللي موجوده مع دونجل BST Sam
او من هنا
Download

ده بالنسبه للتعريفات
========================================
تاني نقطه طريقة انك تعمل انفو في طريقتين الاولى هيا اوامر ADB
عن طريق الامر Fastboot getvar all
والطريقه التانيه عن طريق البوكسات وهنا الكلام
عشان نسهل عليك ده اصدار XTC2Clip 1.17 الاصدار ده مش بيتطلب منك وجود اي بوكسات عشان يشتغل
الاصدارات القديمه من البوكس عباره عن برنامج مجمع في اوامر fastboot للتفليش او غيره ومش بيحتاج يتصل بالسيرفر في الاوامر العاديه زي read info او التفليش فا احنا هنحمل البرنامج من هنا

Download

ونستخدمه في كل المواضيع الخاصه بالHTC

*انت المطلوب منك بعد كده في اي بوست خاص بال HTC انك تنزل صوره من فاست بوت الجهاز وصوره من انفو XTC وتكتب الانفو في البوست كوبي وموديل الجهاز
ده بالنسبه لموضوع الانفو نرجع لموضوعنا
========================================
بالنسبه لموضوع انك تعرف الجهاز اللي معاك ده هل هيشتغل سوفت وير او لا
هتعمل حاجتين بساط جدا الاولى عن طريق بوكس ال xtc
هتعمل reboot RUU لو الجهاز دخل وضع RUU انت كده هتشتغل في سوفت
او انك تعمل unlock bootloader لو الجهاز رفض اي امر من الاتنين دول الجهاز ده عيب ذاكره داخليه 100%
========================================
اهم نقاط التفليش

واحد : البوتلودر
بوتلودر الجهاز هو قفل الشركه انه الجهاز مايخدش اي روم معدل او اي اصدار قديم او تعمل downgrade (دي طبعا مربوطه ب S-OFF)
يفضل ان الجهاز يكون مقفول بوت لودر في حالة التفليش عن طريق وضع RUU
اما في وضع الفاست بوت انا مش متاكد اذا كان لازم يكون مقفول او لا في ناس بتقول انه مش بيقبل تفليش

ثانيا : حالة الحماية S-Off -ON
في اجهزة HTC ال Security lock دي الحاجه اللي بتخليك تقدر تعمل دونجريد لاي اصدار للجهاز واللي بتخليك تقدر تغير CID وتخلي الجهاز موجه لاي منطقه تانيه ومعظم مشاكل التفليش بتكون بسبب ان الحمايه شغاله
الحمايه لو شغاله انسى انك تفلش الجهاز باي اصدار تاني غير اللي عليه او اعلى منه
ولو اقل منه رقم واحد مش هيفلش نهائي لو اصدار بلد غير البلد مش هيفلش
الحمايه بتتفك عن طريق بوكس XTC بس طبعا مش الواجهه دي لازم يكون معاك البوكس عشان تقدر تفكها او عن طريق دونجل الشميرا لبعض الاجهزه المدعومه

تالت نقطه : ال CID ودي اهم نقطه في اجهزة HTC
ال CID زي قفل البلد كده او ملف CSC في اجهزة سامسنج ال CID رقم او رمز بيعبر عن اللغه والبلد والاصدارات المتاحه للجهاز كمثال
HTC__J15
ده CID للدول العربيه عموما لجميع اجهزة HTC مسؤل عن ظهور اللغه العربيه في الجهاز
ال CID ده مربوط مثلا بالاوربي بتلاقي اسم الفلاشه زي كده 0P6BIMG_M8_DUGL_M60_SENSE70_MR_HTC_Europe
فمش هتقدر تفلش الجهاز مثلا بالاصدار ده
M8_DUGL_L50_SENSE60_MR_HTCCN_CHS_CU
لانه CID الاول موجه لاوروبا والفلاشه التانيه موجهه للصين

رابعا : اصدار النطاق الاساسي Main OS
وده كده زي فلاشات في السامسونج مينفعش تنزل رقم اصدار قليل لجهاز رقم الاصدار بتاعه عالي اللي هو بيكون
سطر OS-6.16.401 .1
مينفعش تنزل للجهاز OS-4.26.1402.2 للجهاز من غير S-OFF
لازم تعمل S-Off للجهاز لو حابب تنزله سوفت وير اقل غير كده لازم تفلش نفس الاصدار او اعلى
========================================
*طرق التفليش
اجهزة ال HTC بتتفلش بطريقتين رسمين ووحده عن طريق الريكفري المعدل

اول طريقه اللي الكل بيشتغل بيها عن طريق كارت الميموري ودي معروفه

تاني طريقه في وضع RUU وهنستخدم فيها بوكس XTC وهيا انك تعمل RebootRUU وتدخل واجهة فلاش وتختار ملف الكارت عادي وتفلشه للجهاز
اول مره هيديك ايرور متقلقش اعمل ريبوت وفلش تاني

تالت طريقه هيا ملف TWRP Backup ودي انك تلاقي TWRP Backup تنزلها للجهاز ودي في الغالب لو البيانات مش مطابقه هتلاقي الجهاز بيعمل ريستارت البيزباند ضرب الى اخره
========================================
ده اول جزء من شرح تفليش والتعامل مع اجهزة HTC الموضوعات الجايه ان شاء الله هتضاف للموقع وهيبقى في كورس كامل بس انا كتبت الجزء ده عشان نحل جزء كبير من شغل HTC في الجروب عشان وقتنا ووقتكو
========================================
اتمنى اكون غطيت كل نقط الHTC وشرحت الموضوع بطريقه سهله والكل يستفاد منها واتنمى الناس تقدر التعب وتقرا الكلام وتنفذه ومتستسهلش لانه فعلا استسهالك بيضيع وقت كتير جدا اني ادور على بيانات جهاز اساسيه
حاجه المفروض انك كمهندس سوفت وير شغال الشغل ده المفروض تكون مجهزها الاول
========================================

 

وكل عام وانتم بخير

 

كل شكر لصاحب الموضوع

Omar Soliman
 فريق المطورين العرب
#Master_HTC_By_Dev_Arab

Author: mohmad.hadry